प्रसूतीनंतर उपचारादरम्यान महिलेचा मृत्यू! हलगर्जीपणा केल्याचा डॉक्टाराविरूद्ध पतीने पोलिस ठाण्यात नोंदविला जवाब उदगीर:-उदगीर - वागदरी (ता. उदगीर) येथील सामान्य रुग्णालयातील गरोदर माता प्रसुतीसाठी दाखल झालेली २५ वर्षीय महिलेचा प्रसूतीनंतर उपचारादरम्यान मृत्यू झाल्याची घटना बुधवारी (ता. १०) घडली आहे. शहर पोलीस ठाण्यात अकस्मात मृत्यूची नोंद करण्यात आली असुन, मयताच्या नातेवाईकांनी डॉक्टराच्या हालगर्जीपणामुळे मुत्युस जबाबदार असणार्‍यावर कार्यवाही करण्याची मागणी करत राञी उशारापर्यत ठिय्या मांडला सविस्तर माहीती आशी की, पल्लवी कुणाल मोरे (वय-२५) ही गरोदर माता प्रसूतीसाठी उदगीर येथील सामान्य रुग्णालयात बुधवारी दाखल करण्यात आले होते. नैसर्गिक प्रसुती होत नसल्यामुळे तिच्यावर शस्त्रक्रिया करून प्रस्तुती करण्यात आली. प्रसूतीनंतर तिची तब्येत खालावल्यामुळे तिला खाजगी रुग्णालयात दुपारी उपचारासाठी नेण्यात आले. उपचारा दरम्यान तिचा मृत्यू झाल्याचे खाजगी रुग्णालयाचे डॉ. अनुप चिकमुर्गे यांनी शहर पोलीस ठाण्यास कळवले. यावरुन बुधवारी रात्री अकस्मात मृत्यूची नोंद घेण्यात आली. दरम्यान मयत महिलेच्या कुटुंबाने सामान्य रुग्णालयातील डॉक्टर व खाजगी डॉक्टरांनी उपचारा दरम्यान निष्काळजीपणा केल्यामुळे मृत्यू झाल्याचा आरोप केला व तिच्या नातेवाईकांनी मृतदेह ताब्यात घेण्यास नकार दिला. शहर पोलीस स्टेशनचे पोलीस निरीक्षक परमेश्वर कदम यांनी मयत महिलेच्या नातेवाईकांची समजूत काढून लेखी जबाब देण्यास सांगीतले त्यानुसार मयत महिलेचे पती कुणाल मोरे यांनी डॉक्टरा विरोधात शहर पोलिसात लेखी जवाब दिला. त्यानंतर त्या महिलेचा मृत्यदेह सामान्य रुग्णालयात शवविच्छेदनासाठी आणण्यात आला. गुरुवारी दुपारी शवविच्छेदनानंतर तिचा मृतदेह नातेवाईकांच्या हवाली करण्यात आला. पुढील तपास पोलीस उपनिरीक्षक कविता जाधव या करीत आहेत