बोकड बळी प्रकरणात पोलीस ठाणे उदगीर ग्रामीण येथील एक अधिकारी निलंबित तर आठ पोलीस अमलदारांची पोलीस मुख्यालयात बदली तर लवकरच पोलिस निरीक्षकावर शिस्त भंगाची कार्यवाही ! उदगीर :- याबाबत थोडक्यात माहिती अशी की, पोलीस ठाणे उदगीर ग्रामीण समोर दिनांक 31/01/2024 रोजी बकरा कापन्याचे घटनेची बातमी विविध माध्यमांतून प्रसिद्ध झाली होती. त्याअनुषंगाने पोलीस अधीक्षक सोमय मुंडे यांनी तात्काळ उपविभागीय पोलीस अधिकारी, उदगीर दिलीप भागवत यांना सदर घटनेच्या चौकशी चे आदेश दिले होते. उपविभागीय पोलीस अधिकारी,उदगीर दिलीप भागवत यांनी सदर घटनेची चौकशी केली असता प्राथमिक दृष्ट्या सदर घटनेस जबाबदार धरून पोलीस ठाणे उदगीर ग्रामीण येथे कार्यरत पोलीस उपनिरीक्षक यांना निलंबित करण्यात आले असून पोलीस ठाण्यातील 08 पोलिस अमलदारांची पोलीस मुख्यालयात बदली करण्यात आली आहे. तसेच पोलीस निरीक्षकांवर शिस्तभंगाची कारवाई करण्यात येत आहे. अशी माहिती पोलिस अधिक्षक कार्यालातून मिळाली आहे