*हिंगोली आणि नांदेड जिल्ह्यात भूकंप (वारांगा फाटा - आखाडा बाळापूर दरम्यान भूकंपाची केंद्रबिंदू)* 👉 उदगीर मध्ये ही सौम्य झटके बसल्याची जाणीव उदगीर:-आज दिनांक 21.03.2024 रोजी सकाळी 6.08 व 6.19 वा हिंगोली जिल्ह्यात आखाडा बाळापूर , वारांगा फाटा जिल्हा हिंगोली (केंद्रबिंदू) या ठिकाणी दोन वेळा भूकंपाची नोंद झाली. हिंगोली, वसमत, औंढा व कळमनुरी तालुक्यातील काही गावांमध्ये तसेच नांदेड जिल्ह्यातही काही गावांमध्ये भूगर्भातुन आवाज व सौम्य धक्का जाणवला आहे. सदर धक्क्याची नोंद भूकंप मापक केंद्रात 4.5 व 3.6 अशी झाली आहे. मिळालेल्या माहिती नुसार कोणत्याही प्रकारचे नुकसान झाले नाही. या भूकंपाचा सौम्य धक्का नांदेड, परभणी, लातूर या जिल्हात व परिसरातही जाणवला. नागरिकांनी घाबरून जाऊ नये असे आवाहन लातूर जिल्हा प्रशासनाच्या वतीने करण्यात आले आहे.