*टाइम्स पब्लिक स्कूल एसएससी बोर्ड परीक्षेत अव्वल...!!!* उदगीर- शैक्षणिक क्षेत्रात नेहमी अग्रेसर व एक पाऊल पुढे हा वसा संपादन करणाऱ्या टाइम्स पब्लिक स्कूलने यावर्षीही एस.एस.सी बोर्ड परीक्षेत घवघवीत यश मिळवले. मार्च 2023-24 या वर्षी पार पडलेल्या दहावी बोर्ड परीक्षेचा निकाल आज जाहीर झाला असून इंग्रजी माध्यमाच्या टाइम्स पब्लिक स्कूलचा निकाल 100% लागला आहे. यात 93 विद्यार्थ्यांपैकी 36 विद्यार्थ्यांनी 90%पेक्षा अधिक गुण , 93 विद्यार्थ्यापैकी 76 विद्यार्थ्यांनी 75% पेक्षा अधिक गुण, तर 17 विद्यार्थ्यांनी 45% ते 75% गुण मिळवून उत्तुंग यश संपादन केले आहे. श्रद्धा जाधव व अलोक मालू याने 100% गुण घेऊन शाळेतून सर्वप्रथम क्रमांक पटकावला आहे. तसेच जळकोटे श्रावणी या विद्यार्थिनीने 99.60% गुण घेऊन द्वितीय क्रमांक मिळवला आहे. तर प्रांजली वट्टमवार हिने 99.20% गुण घेऊन तृतीय क्रमांक मिळवला आहे. अशा प्रकारे शाळेने घवघवीत यश संपादन केले आहे!या यशाबद्दल संस्थेचे अध्यक्ष श्री ईश्वरप्रसाद बाहेती, सचिव मा. श्री मा.विजयकुमार कप्पिकेरे , कोषाध्यक्षा मा.सौ. मंगला कप्पिकेरे, इतर पदाधिकारी, मुख्याध्यापक श्री अभिजीत नळगीरकर, सर्व शिक्षक व कर्मचारी वृंद यांनी या गुणवंत विद्यार्थ्यांचे अभिनंदन केले व त्यांना पुढील वाटचालीसाठी शुभेच्छा दिल्या.