उदगीर समाचार

*दर्शवेळा अमावस्यानिमित्त लातूर जिल्ह्यात 19 डिसेंबर रोजी स्थानिक सुट्टी* उदगीर : जिल्ह्यासाठी 2025 मधील तीन स्थानिक सुट्ट्या जिल्हाधिकारी वर्षा ठाकूर-घुगे यांनी 20 जानेवारी, 2025 रोजीच्या अधिसूचनेनुसार जाहीर केल्या आहेत. त्यानुसार 19 डिसेंबर 2025 (शुक्रवार) रोजी दर्शवेळा अमावस्या निमित्त जिल्ह्यात स्थानिक सुट्टी राहणार आहे. लातूर जिल्ह्यातील उच्च न्यायालयाच्या अधिकार कक्षेतील कार्यालये, केंद्रीय कार्यालये, केंद्रीय प्रशासनातील कार्यालये व बँकेच्या कक्षेतील कार्यालये वगळता लातूर जिल्ह्यातील सर्व शासकीय कार्यालये, जिल्हा परिषदेच्या कक्षेतील कार्यालये, स्थानिक स्वराज्य संस्थांची कार्यालये, जिल्ह्यातील कोषागारे, महामंडळाची कार्यालये व इतर सर्व खाजगी शैक्षणिक संस्था यांना ही सुट्टी लागू राहील.

रामकथाचार्य शशिशेखर महाराज यांच्या रामकथेस उसळला जनसागर उदगीर= येथील सिग्नल नंबर 2,हनुमान नगर येथील हनुमान मंदिर परिसरात आयोजित शशिशेखर महाराज यांच्या रामकथेची 29 नोव्हेंबर शनिवारी रोजी भव्य सुरुवात झाली असून सदरील रामकथेचे 7 डिसेंबर रविवार रोजी समापन होणार असून ही कथा दररोज दुपारी 2 ते 5 वाजे पर्यंत सुरू आहे,या रामकथेस भक्ताचा जनसागर उसळला असून सर्व परिसर राममय झाल्याचे दिसून येत आहे,सदरील परिसरातील रहिवाश्यांनी या कथे चे आयोजन केले असून याचा भाविक भक्तांनी लाभ घ्यावा असे आवाहन ही आयोजकांनी केले आहे

दत्त मंदिर परिसरातील भव्य सभागृहाची लवकरच उभारणी करणार =मा.मंत्री संजय बनसोडे 👉संताच्या वाणीतून समाजाला ऊर्जा मिळते : *उदगीर* : उदगीर मतदारसंघ हा एक ऐतिहासिक असून या मतदारसंघात अनेक धार्मिक स्थळे आहेत. त्यामुळे विविध धार्मिक कार्यक्रम मोठ्या संख्येने होत आहेत. राज्यातून विविध भागातून संत या ठिकाणी येऊन त्यांचे अनमोल विचार समाजातील नागरिकांपुढे व्यक्त करत असतात. या सर्व संतांच्या वाणीतून समाजाला नवी ऊर्जा मिळत असुन आपल्या पुढच्या पिढीवर चांगले संस्कार होत असल्याचे मत राज्याचे माजी क्रीडा मंत्री तथा उदगीरचे आ.संजय बनसोडे यांनी व्यक्त केले. ते उदगीर शहरातील श्री दत्त मंदिर येथे श्री दत्त जयंतीनिमित्त आयोजीत एकदिवसीय प्रवचन सोहळ्या प्रसंगी भाविकांना संबोधित करताना बोलत होते. यावेळी गुंडानाथ महाराज, चक्रीनाथ महाराज, राष्ट्रवादीचे शहराध्यक्ष सय्यद जानीमियाँ, माजी नसरसेवक सुधीर भोसले, सोसायटीचे अध्यक्ष विजयकुमार पारसेवार, भागवत पारसेवार, सुरेश महाजन, बालाजी पोलावार, संजय कलकोटे, साईप्रसाद पारसेवार, सुयोग कोटलवार, विनोद कपाळे, शिवकुमार कांबळे, धिरज कसबे, गणेश गायकवाड, शहाजी पाटील, सावन पस्तापुरे, प्रीती कवतीकवार, डी.एस. बिरादार, सतिश पाटील माणकीकर, आदीनाथ चिकटवार, मल्लिकार्जुन लंजवाडकर, केशव पाटील, सावित्री पारसेवार, गोदावरी महाजन, मनीषा मुक्कवार, स्मिता मुक्कावार, ओम पिंगळे, आदी उपस्थित होते. पुढे बोलताना आमदार संजय बनसोडे यांनी, आपल्या आमदारकीच्या व मंत्रिपदाच्या कार्यकाळात शक्य होईल तेवढ्या सर्व धार्मिक स्थळांचे सुशोभीकरण आपण केले आहे. विविध ठिकाणी सभा मंडप उभारण्यात आले आहेत. भविष्यात उदयगिरी बाबा किल्ला परिसरात विद्युत रोषणाई करण्याचा आपला मानस असुन मागील काळात श्री गुरु हावगीस्वामी महाराज मठाला निधी दिला. श्री सिध्दरामेश्वर मठासह श्री रेणुकाचार्य संस्कार भवन उभारले, श्री गुरु हावगीस्वामी लिंगायत भवन उभारले असुन चौकीला मठालाही निधी दिला असल्याचे सांगितले. या येत्या वर्षाभरात या सोसायटीतील श्री दत्त मंदिर परिसरात सभामंडप उभारणार असल्याचे सांगून सर्वांना आ.बनसोडे यांनी श्री दत्त जयंतीनिमित्त शुभेच्छा दिल्या. यावेळी श्री दत्त जयंतीनिमित्त आ.संजय बनसोडे यांच्या हस्ते आरती करुन भाविकांना महाप्रसाद देण्यात आला. यावेळी भाविक - भक्त मोठ्या संख्येने उपस्थित होते.

राष्ट्रीय मराठा पार्टी चा युती ला जाहीर पाठिंबा उदगीर=राष्ट्रीय अध्यक्ष यांनी श्री. अंकुशराव शिवाजीराव पाटील होनाळीकर यांनी राष्ट्रीय मराठा पार्टीचा नगरपरिषद नगरपरिषद निवडणूक 2025 स्थानिक स्वराज्य संस्थां महाराष्ट्र राज्यातील नगरपरिषद व नगर पंचायत निवडणूकीत भाजप व राष्ट्र वादी श्री.अजीत पवार गटाला निवडणून आणुन स्थानिक स्वराज्य संस्थांमधील उदगीर नगर परिषदचा विकास करण्यासाठी उदगीर नगराध्यक्ष भाजपा चे उमेदवार सौ.स्वाती सचिन हुडे व राष्ट्र वादी श्री.अजीत पवार गटाचे उदगीर चे माजी मंञी आमदार मा.आ.संजयजी बनसोडे व भारतीय जनता पार्टी/राष्ट्रवादी अजित पवार गट या सर्व नगर परिषद/नगर सेवकास राष्ट्रीय मराठा पार्टीचा जाहीर पाठींबा. 1)बनसोडे मंजुश्री शशिकांत.2) कसबे धिरज पांडुरंग 3)शेख सना जफर 4)सय्यद इम्रान पाशा 5)बोईनवाड व्यंकटराव भिमराव 6)कपाळे गंगाबाई गरुनाथ 7)भालेराव राजकुमार श्रीपती 8)मुदाळे मणकर्णा अनिल 9)शेख फायाजोदिन नसीरुद्दीन 10)उप्परबावडे शिल्पा मल्लिकार्जुन 11)कुरेशी आलिया फिरदौस अबरार पठाण 12)सय्यद रेश्मा खटिया इमरोज 13)मनोज रामदास पुदाले 14)छाया बस्वराज बागबंदे 15) निकीता व्यंकटराव अंबरखाने 16)राजकुमार संग्राम हुडगे 17)सांगवे निवृत्ती संभाजी 20)शेख नुरजहा इस्माईल 21)शेख शाहजहांपुर बेगम रहीम साब 22]पठाण फैजमुहमद गुलाम 23)सुर्यवंशी अमरनाथ हरिकिशन 24)सय्यद खुर्शीदबी हनीफसाब 25)शिंदे शीतल नरसिंग 26)मुदाळे अनिल नागोराव 27)विद्या आनंद बुंदे 28)साईनाथ माधवराव चिमेगावे 29)नागेश रमेश अष्टुरे 30)भारती सुधीर भोसले 31)मीरा बाबुराव येलमेटे 32)दत्ताजी व्यंकटराव पाटील 33)महापुरे भगीरथ समर्थ 34)विजय राजेश्वर निटुरे 35) शेख समिरोद्दिन अलीमुद्दीन 36)मीना चंद्रकांत कोठारे 37)अंजली सावन पस्तापुरे 38)शहाजी भगवानराव पाटील 39)गोकर्ण गणेश गायकवाड 40)पाटोदा बाळु शंकरराव यांना निवडणुन आणुनया राष्ट्रीय मराठा पार्टी यांच्याकडुन भाजपा/राष्ट्रवादी श्री अजित दादा पवार पार्टी सोबत आहोत म्हणून राष्ट्रीय मराठा पार्टीचा जाहीर पाठींबा घोषित केला आहे, या वेळेस महाराष्ट्र प्रदेश उपाध्यक्ष डाॅ.रामचंद्र भांगे, अखिल भारतीय मराठा महासंघ उदगीर ता.अध्यक्ष देविदास चिकले इतर पदाधिकारी उपस्थित होते.

शिवसेना (शिंदे) गटाच्या अंकित पत्की चा प्रभाग 19 मधुन प्रचाराचा भव्य शुभारंभ 👉 माझी प्राथमिकता घर भरणे नाही नागरिकांना मूलभूत सुविधा उपलब्ध करून देणे 👉 प्रत्यक्ष गाठीभेटी, समस्या जाणून घेण्यावर भर 👉 उच्चभ्रू असलेला प्रभाग 19 मध्ये मागील काळात सत्तेत असलेल्या नगरसेवकाच्या निष्काळजी मुळे प्रभागात अनेक समस्या उदगीर : प्रभाग क्रमांक १९ चे उच्चशिक्षित (शिवसेना)शिंदे गटाचे उमेदवार अंकित पत्की यानी आपल्या प्रचाराला सुरुवात केली असून गेल्या पाच वर्षांच्या नगरसेवक कार्यकाळात आणि चार वर्षांच्या प्रशासकीय काळात वार्डातील कामे ठप्प झाल्याचे त्यांनी यावेळी स्पष्टपणे नमूद केले. अंकित पत्की म्हणाले की, "मागील नगरसेवकाकडून वार्डातील साफसफाई, दैनिक कचरा व्यवस्थापन, रस्त्यांवरील खड्डे यांसारखी मूलभूत कामेदेखील समाधानकारक झाली नाहीत.यांनी प्रभागाचा नाही स्वतःचा विकास केला असल्याने प्रभागातील हालत खराब आहे,मी प्रभागाचा चेहरा मोहरा बदलेन आपण मला एकदाच संधी द्या, मी संधी चे सोने करेन ,मूलभूत सुविधा सह नागरिकाचे कामे घरपोच देण्याचे आश्वासनही त्यांनी दिले. दरम्यान, शिवसेनेत अनेक वर्ष कार्यरत असल्याचा उल्लेख करताना ते पुढे म्हणाले की, "आज आपलं सरकार राज्यात आहे, उपमुख्यमंत्री शिवसेनेचे आहेत त्यामुळे विकासाची दारे अधिक उघडू शकतात. आपण फक्त आशीर्वादरूपी एक संधी द्यावी मी संधी चे सोने करेन अशी ग्वाही ही त्यांनी दिली असून त्यांच्या प्रचाराने प्रभाग 19 मधील मतदार आकर्षित होत असल्याचे दिसत आहे

मोटारसायकल विकून फसवणूक,धमकी गुन्हा दाखल उदगीर:- शहर पोलीस स्टेशन कडून मिळालेली माहिती अशी की राहुल पंढरी बिरादार वय 30 वर्ष रा -हंचनाळ ता देवणी जि.लातूर यास आरोपी अविनाश गंगाराम कांबळे रा -कुमठा खुर्द ता उदगीर जि लातुर. यांनी फिर्यादीस स्पेंलेडर गाडी क्र एम एच 24 बीपी 2248 विक्री करतो म्हणुन एकुन 55000 रुपये घेवुन बाउंड वर साक्षीदारासमक्ष नोटरी करुन दिले की, एमएच 24 बीपी 2248 गाडीवर कोणत्याही प्रकारचा अपघात RTO दंड पोलीस केस कोणत्याही कंपनीचा फायनस कर्ज बोजा नाही असल्यास त्याला मी जबाबदार राहील असे लिहुन दिले होते या गाडीवर 22000. रुपये फायनास आहे आरोपी यास माझी फसवणुक का केली अशी विचारणा केली असता खुप शहाणा झालास का रे तगंड तोडुन टाकीन साल्या जर जास्त शहानपणा केलास तर तुझ्यावर अॅट्रासिटी ची केस करतो म्हणुन धमकी दिली आहे वगैरे मजकुर फिर्याद जबाब वरुन मा.पो.नि.सो यांचें आदेशाने गुन्हा र. नं .405/25,कलम 318(4),351(2)(3)BNS दाखल करण्यात आला असून सदर गुन्ह्याचा पुढील तपास पोउपनि मोहीते हे करीत आहेत.